എയർപോർട്ട് അതോറിറ്റി ഓഫ് ഇന്ത്യയിൽ 391 ഒഴിവുകൾ; മാനേജർ, ജൂനിയർ എക്സിക്യൂട്ടീവ് തസ്തികകളിലേക്ക് അപേക്ഷിക്കാം

എയർപോർട്ട് അതോറിറ്റി ഓഫ് ഇന്ത്യ (AAI) വിവിധ മാനേജർ, ജൂനിയർ എക്സിക്യൂട്ടീവ് തസ്തികകളിലായി ആകെ 391 ഒഴിവുകളിലേക്ക് വിജ്ഞാപനം പുറപ്പെടുവിച്ചു. സിവിൽ, ഇലക്ട്രിക്കൽ, ഫിനാൻസ്, ഐ.ടി, ആർക്കിടെക്ചർ, ലോ, ഫയർ സർവീസസ്, ഓപ്പറേഷൻസ്, കൊമേഴ്‌സ്യൽ, കോർപ്പറേറ്റ് കമ്മ്യൂണിക്കേഷൻസ് തുടങ്ങിയ വിവിധ മേഖലകളിലാണ് അവസരമുള്ളത്. എഞ്ചിനീയറിങ് ബിരുദം, എംബിഎ, നിയമ ബിരുദം തുടങ്ങിയ യോഗ്യതയുള്ള ഉദ്യോഗാർത്ഥികൾക്ക് ഈ അവസരം പ്രയോജനപ്പെടുത്താം. ഓഗസ്റ്റ് 8 മുതൽ അപേക്ഷകൾ സമർപ്പിച്ചുതുടങ്ങാം.

പ്രധാന തസ്തികകളും ഒഴിവുകളുടെ വിവരങ്ങളും

മാനേജർ തസ്തികകൾ (ആകെ 262 ഒഴിവുകൾ)

ഈ തസ്തികകളിലേക്ക് അപേക്ഷിക്കുന്ന ഉദ്യോഗാർത്ഥികൾക്ക് ബന്ധപ്പെട്ട മേഖലയിൽ പ്രവൃത്തിപരിചയം ഉണ്ടായിരിക്കണം. പരമാവധി പ്രായപരിധി 32 വയസാണ് (07.09.2026 പ്രകാരം).

• എഞ്ചിനീയറിങ് – സിവിൽ (145 ഒഴിവുകൾ): സിവിൽ എഞ്ചിനീയറിങ് ബിരുദവും 3 വർഷത്തെ പ്രവൃത്തിപരിചയവും.
• എഞ്ചിനീയറിങ് – ഇലക്ട്രിക്കൽ (16 ഒഴിവുകൾ): ഇലക്ട്രിക്കൽ എഞ്ചിനീയറിങ് ബിരുദവും 3 വർഷത്തെ പ്രവൃത്തിപരിചയവും.
• മാനേജർ – ഫിനാൻസ് (34 ഒഴിവുകൾ): ഫിനാൻസിൽ MBA/PGDM അല്ലെങ്കിൽ CA/CMA/CFA യോഗ്യതയും 3 വർഷത്തെ പ്രവൃത്തിപരിചയവും.
• ഇൻഫർമേഷൻ ടെക്നോളജി (5 ഒഴിവുകൾ): കമ്പ്യൂട്ടർ സയൻസ്/ഐ.ടി/ഇലക്ട്രോണിക്സ് എഞ്ചിനീയറിങ് ബിരുദം അല്ലെങ്കിൽ MCA, ഒപ്പം 3 വർഷത്തെ പ്രവൃത്തിപരിചയം.
• ആർക്കിടെക്ചർ (4 ഒഴിവുകൾ): ആർക്കിടെക്ചർ ബിരുദം, കൗൺസിൽ ഓഫ് ആർക്കിടെക്ചർ രജിസ്ട്രേഷൻ, 3 വർഷത്തെ പ്രവൃത്തിപരിചയം.
• നിയമം (2 ഒഴിവുകൾ): 3 വർഷമോ 5 വർഷമോ ഉള്ള നിയമ ബിരുദവും 3 വർഷത്തെ പ്രവൃത്തിപരിചയവും.
• ഫയർ സർവീസസ് (14 ഒഴിവുകൾ): ഫയർ/മെക്കാനിക്കൽ/ഓട്ടോമൊബൈൽ എഞ്ചിനീയറിങ് ബിരുദവും 3 വർഷത്തെ പ്രവൃത്തിപരിചയവും.
• ഓപ്പറേഷൻസ് (28 ഒഴിവുകൾ): സയൻസ് ബിരുദവും 2 വർഷത്തെ MBA-യും അല്ലെങ്കിൽ എഞ്ചിനീയറിങ് ബിരുദവും, ഒപ്പം 3 വർഷത്തെ പ്രവൃത്തിപരിചയവും.
• കൊമേഴ്‌സ്യൽ (9 ഒഴിവുകൾ): ബിരുദവും മാർക്കറ്റിംഗ് സ്പെഷ്യലൈസേഷനുള്ള MBA-യും അല്ലെങ്കിൽ എഞ്ചിനീയറിങ് ബിരുദവും, ഒപ്പം 3 വർഷത്തെ പ്രവൃത്തിപരിചയവും.
• കോർപ്പറേറ്റ് പ്ലാനിങ് & മാനേജ്മെന്റ് സർവീസസ് (1 ഒഴിവ്): സ്റ്റാറ്റിസ്റ്റിക്സ്/മാത്തമാറ്റിക്സ്/ഇക്കണോമിക്സ് ബിരുദാനന്തര ബിരുദവും 3 വർഷത്തെ പ്രവൃത്തിപരിചയവും.
• കോർപ്പറേറ്റ് കമ്മ്യൂണിക്കേഷൻസ് (2 ഒഴിവുകൾ): മാസ് കമ്മ്യൂണിക്കേഷൻ/ജേർണലിസം/സാഹിത്യം ബിരുദവും പി.ജി/ഡിപ്ലോമയും, ഒപ്പം 3 വർഷത്തെ പ്രവൃത്തിപരിചയവും.

ജൂനിയർ എക്സിക്യൂട്ടീവ് തസ്തികകൾ (ആകെ 129 ഒഴിവുകൾ)

ഈ തസ്തികകളിലേക്ക് അപേക്ഷിക്കാൻ പ്രവൃത്തിപരിചയം ആവശ്യമില്ല. പരമാവധി പ്രായപരിധി 27 വയസാണ് (07.09.2026 പ്രകാരം).

• ഫിനാൻസ് (36 ഒഴിവുകൾ): ഫിനാൻസിൽ MBA/PGDM അല്ലെങ്കിൽ CA/CMA/CFA.
• നിയമം (6 ഒഴിവുകൾ): 3 വർഷം അല്ലെങ്കിൽ 5 വർഷം നിയമ ബിരുദം.
• ഓപ്പറേഷൻസ് (79 ഒഴിവുകൾ): സയൻസ് ബിരുദവും 2 വർഷത്തെ എം.ബി.എയും അല്ലെങ്കിൽ എഞ്ചിനീയറിങ് ബിരുദം.
• സർവേ & കാർട്ടോഗ്രഫി (8 ഒഴിവുകൾ): സിവിൽ എഞ്ചിനീയറിങ് ബിരുദം അല്ലെങ്കിൽ Geography/Remote Sensing & GIS/Geo-informatics വിഷയങ്ങളിൽ എം.എസ്.സി.

അപേക്ഷാ വിവരങ്ങൾ

എയർപോർട്ട് അതോറിറ്റി ഓഫ് ഇന്ത്യയുടെ ഔദ്യോഗിക വിജ്ഞാപനം അനുസരിച്ച് അപേക്ഷകൾ ഓഗസ്റ്റ് 8 മുതൽ സമർപ്പിച്ചു തുടങ്ങാവുന്നതാണ്. ശമ്പളം, തിരഞ്ഞെടുപ്പ് പ്രക്രിയ, മറ്റ് സംവരണ ആനുകൂല്യങ്ങൾ എന്നിവ സംബന്ധിച്ച കൂടുതൽ വിവരങ്ങൾ അറിയുന്നതിനും വിശദമായ വിജ്ഞാപനം പരിശോധിക്കുന്നതിനും താഴെ നൽകിയിരിക്കുന്ന ലിങ്ക് സന്ദർശിക്കുക:

നോട്ടിഫിക്കേഷൻ കിട്ടാൻ ക്ലിക്ക് ചെയ്യൂ

ഏറ്റവും പുതിയ തൊഴിൽ അവസരങ്ങൾ അതിവേഗം അറിയാൻ വാട്സ്ആപ്പ് ചാനലിൽ ഇപ്പോൾ തന്നെ അംഗമാകൂ: https://whatsapp.com/channel/0029VbDOmz3DzgT83lMzu01s