സൗത്ത് ഇന്ത്യന് ബാങ്കില് പ്രൊബേഷണറി ഓഫീസറാകാം; സൗജന്യമായി അപേക്ഷിക്കാം
SOUTH INDIAN BANK
📍 India
ചാര്ട്ടേഡ് അക്കൗണ്ടന്റ് (CA) യോഗ്യതയുള്ള ഉദ്യോഗാര്ത്ഥികള്ക്ക് ബാങ്കിംഗ് മേഖലയില് മികച്ച കരിയര് കെട്ടിപ്പടുക്കാന് സുവര്ണാവസരവുമായി സൗത്ത് ഇന്ത്യന് ബാങ്ക് (South Indian Bank) എത്തിയിരിക്കുന്നു. ബാങ്കിന്റെ സ്കെയില് I കേഡറിലുള്ള പ്രൊബേഷണറി ഓഫീസര് (Probationary Officer) തസ്തികയിലേക്ക് യോഗ്യരായ ഉദ്യോഗാര്ത്ഥികളില് നിന്നും ഓണ്ലൈന് അപേക്ഷകള് ക്ഷണിച്ചു. ഷെഡ്യൂള്ഡ് കൊമേഴ്സ്യല് ബാങ്ക് മേഖലയില് ജോലി ആഗ്രഹിക്കുന്ന മിടുക്കരായ സിഎ പ്രൊഫഷണലുകൾക്ക് ഈ അവസരം പ്രയോജനപ്പെടുത്താം.
വരുന്ന ജൂലൈ 29 ആണ് ഈ തസ്തികയിലേക്ക് അപേക്ഷ സമര്പ്പിക്കാനുള്ള അവസാന തീയതി. യോഗ്യരായ ഉദ്യോഗാര്ത്ഥികള് ബാങ്കിന്റെ ഔദ്യോഗിക വെബ്സൈറ്റായ southindianbank.bank.in വഴി മാത്രം ഓണ്ലൈനായി അപേക്ഷ സമര്പ്പിക്കേണ്ടതാണ്. മറ്റ് മാര്ഗ്ഗങ്ങളിലൂടെ അയക്കുന്ന അപേക്ഷകള് യാതൊരു കാരണവശാലും പരിഗണിക്കുന്നതല്ല.
പ്രധാന വിവരങ്ങള് ഒറ്റനോട്ടത്തില്
- തസ്തിക: പ്രൊബേഷണറി ഓഫീസര് (സ്കെയില് I കേഡര്)
- സ്ഥാപനം: സൗത്ത് ഇന്ത്യന് ബാങ്ക് ലിമിറ്റഡ്
- അടിസ്ഥാന യോഗ്യത: ചാര്ട്ടേഡ് അക്കൗണ്ടന്റ് (CA) പാസായിരിക്കണം.
- പൗരത്വം: അപേക്ഷകര് ഇന്ത്യന് പൗരന്മാരായിരിക്കണം.
- അവസാന തീയതി: ജൂലൈ 29
- അപേക്ഷാ ഫീസ്: ഫീസ് ബാധകമല്ല (സൗജന്യമായി അപേക്ഷിക്കാം)
- ഔദ്യോഗിക വെബ്സൈറ്റ്: southindianbank.bank.in
പ്രായപരിഡിയും ഇളവുകളും
2026 ജൂണ് 30 ലെ കണക്കുപ്രകാരം അപേക്ഷകരുടെ പ്രായം 30 വയസില് കവിയാന് പാടില്ല. അതേസമയം, സര്ക്കാര് മാനദണ്ഡങ്ങള് അനുസരിച്ച് സംവരണ വിഭാഗക്കാര്ക്ക് പ്രായപരിധിയില് ഇളവുകള് ലഭിക്കുന്നതാണ്.
- എസ് സി / എസ്ടി വിഭാഗക്കാര്ക്ക്: പ്രായപരിധിയില് 5 വര്ഷം വരെ ഇളവ് അനുവദിച്ചിട്ടുണ്ട്.
- ഈ ഇളവ് ലഭിക്കുന്നതിനായി നിയമന നടപടികളുടെ ഭാഗമായി അംഗീകൃത അധികാരിയില് നിന്നുള്ള ജാതി സര്ട്ടിഫിക്കറ്റിന്റെ സാക്ഷ്യപ്പെടുത്തിയ പകര്പ്പുകള് ഉദ്യോഗാര്ത്ഥികള് സമര്പ്പിക്കേണ്ടതാണ്.
ശമ്പളവും ആനുകൂല്യങ്ങളും
തിരഞ്ഞെടുക്കപ്പെടുന്ന ഉദ്യോഗാര്ത്ഥികളെ ബാങ്കില് ‘സ്കെയില് I’ കേഡറിലാണ് നിയമിക്കുന്നത്. ഐബിഎ (IBA) അംഗീകരിച്ച സ്കെയില് I ഓഫീസര്മാര്ക്ക് ബാധകമായ മികച്ച ശമ്പള ഘടനയായിരിക്കും ഇവര്ക്ക് ലഭിക്കുക. അടിസ്ഥാന ശമ്പളത്തിന് പുറമെ താഴെ പറയുന്ന ആനുകൂല്യങ്ങളും സ്വന്തമാക്കാം:
- ക്ഷാമബത്ത (DA)
- വീട്ടുവാടക അലവന്സ് (HRA)
- പ്രത്യേക അലവന്സുകള് (Special Allowances)
- പ്രകടനത്തെ അടിസ്ഥാനമാക്കിയുള്ള ആകര്ഷകമായ ഇന്സെന്റീവുകള് (Performance-linked incentives)
സേവന കരാര് (Service Agreement)
ഈ തസ്തികയിലേക്ക് തിരഞ്ഞെടുക്കപ്പെടുന്ന ഉദ്യോഗാര്ത്ഥികള് ജോലിയില് പ്രവേശിക്കുന്ന തീയതി മുതല് കുറഞ്ഞത് 2 വര്ഷമെങ്കിലും സജീവ സേവനം ബാങ്കില് അനുഷ്ഠിക്കുമെന്ന് ഉറപ്പുനല്കുന്ന സേവന കരാറില് (Service Agreement) ഒപ്പുവെക്കേണ്ടതുണ്ട്.
ഈ കാലാവധി പൂര്ത്തിയാക്കുന്നതിന് മുമ്പ് ജോലി ഉപേക്ഷിക്കുകയാണെങ്കില്, റിക്രൂട്ട്മെന്റ്, പരിശീലന ചെലവുകള് എന്നിവയ്ക്കും ബാങ്കിനുണ്ടായ അവസരനഷ്ടത്തിനുമുള്ള നഷ്ടപരിഹാരമായി 1,50,000 രൂപ പിഴയായി അടയ്ക്കേണ്ടി വരും.
തിരഞ്ഞെടുപ്പ് പ്രക്രിയ
ഈ റിക്രൂട്ട്മെന്റിനായി യാതൊരു അപേക്ഷാ ഫീസും ഈടാക്കുന്നില്ല. താഴെ പറയുന്ന ഘട്ടങ്ങളിലൂടെയാണ് തിരഞ്ഞെടുപ്പ് നടക്കുന്നത്:
- ഷോര്ട്ട്ലിസ്റ്റിംഗ് (Shortlisting): ലഭിക്കുന്ന അപേക്ഷകളുടെ അടിസ്ഥാനത്തില് പ്രാരംഭ ഘട്ട ഷോര്ട്ട്ലിസ്റ്റിംഗ് നടക്കും.
- ഗ്രൂപ്പ് ചര്ച്ച (Group Discussion)
- വ്യക്തിഗത അഭിമുഖം (Personal Interview)
യോഗ്യതയുണ്ടെന്നതുകൊണ്ട് മാത്രം എല്ലാ ഉദ്യോഗാര്ത്ഥികളെയും അഭിമുഖത്തിന് വിളിക്കണമെന്ന് യാതൊരു ഉറപ്പുമില്ല. ലഭിക്കുന്ന അപേക്ഷകളുടെ എണ്ണം പരിഗണിച്ച്, തിരഞ്ഞെടുപ്പ് പ്രക്രിയയില് മാറ്റം വരുത്താനും പങ്കെടുക്കേണ്ടവരുടെ എണ്ണം തീരുമാനിക്കാനുമുള്ള പൂര്ണ്ണ അധികാരം ബാങ്കിന്റെ മാനേജ്മെന്റില് നിക്ഷിപ്തമാണ്. ഇക്കാര്യത്തിലുള്ള ബാങ്കിന്റെ തീരുമാനം തന്നെയായിരിക്കും അന്തിമം.
അപേക്ഷയോടൊപ്പം സമര്പ്പിക്കേണ്ട പ്രധാന രേഖകള്
- പാസ്പോര്ട്ട് സൈസ് ഫോട്ടോ: സമീപകാലത്ത് എടുത്ത കളര് ഫോട്ടോ (വെള്ള പശ്ചാത്തലം; റെസല്യൂഷന് 378 x 437 പിക്സല്; ഫയല് സൈസ് 50KB-യില് കുറവ്). തൊപ്പിയോ കറുത്ത കണ്ണടയോ ധരിച്ച ഫോട്ടോകള് സ്വീകരിക്കുന്നതല്ല.
- ഒപ്പ്: വെള്ള പേപ്പറില് കറുത്ത മഷിയില് ഒപ്പിട്ടത് (റെസല്യൂഷന് 140 x 110 പിക്സല്; ഫയല് സൈസ് 50KB-യില് കുറവ്).
- റെസ്യൂമെ: PDF ഫോര്മാറ്റിലുള്ള റെസ്യൂമെ (ഫയല് സൈസ് 1MB-യില് കൂടരുത്).
- വ്യക്തിഗത വിവരങ്ങള്: ഉദ്യോഗാര്ത്ഥിയുടെ സ്വന്തം പേരിലുള്ള, നിലവിലുള്ളതും സജീവവുമായ ഇമെയില് ഐഡിയും മൊബൈല് നമ്പറും നിര്ബന്ധമായും നല്കണം.
- ജാതി സര്ട്ടിഫിക്കറ്റ്: പ്രായപരിധിയില് ഇളവ് തേടുന്ന എസ് സി, എസ്ടി വിഭാഗക്കാര് അംഗീകൃത അധികാരിയുടെ ജാതി സര്ട്ടിഫിക്കറ്റ് ഹാജരാക്കണം.
ബാങ്കിംഗ് മേഖലയില് തിളങ്ങാന് ആഗ്രഹിക്കുന്ന യോഗ്യരായ ചാര്ട്ടേഡ് അക്കൗണ്ടന്റുകള് അവസാന നിമിഷങ്ങളിലെ സാങ്കേതിക തടസ്സങ്ങള് ഒഴിവാക്കാനായി എത്രയും പെട്ടെന്ന് തന്നെ ഔദ്യോഗിക വെബ്സൈറ്റ് വഴി അപേക്ഷകള് സമര്പ്പിക്കുക.
നോട്ടിഫിക്കേഷൻ കിട്ടാൻ ക്ലിക്ക് ചെയ്യൂ
ഏറ്റവും പുതിയ തൊഴിൽ അവസരങ്ങൾ അതിവേഗം അറിയാൻ വാട്സ്ആപ്പ് ചാനലിൽ ഇപ്പോൾ തന്നെ അംഗമാകൂ: https://whatsapp.com/channel/0029VbDOmz3DzgT83lMzu01s