ശ്രീചിത്രയിൽ അവസരം: അപ്രന്റീസ് ഉൾപ്പെടെ 40 തസ്തികകളിലേക്ക് ഇപ്പോൾ അപേക്ഷിക്കാം

തിരുവനന്തപുരം ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഫോർ മെഡിക്കൽ സയൻസസ് (SCTIMST) വിവിധ വിഭാഗങ്ങളിലായി 40 അപ്രന്റീസ്, റിസർച്ച് ഒഴിവുകളിലേക്ക് നിയമനം നടത്തുന്നു. യോഗ്യരായ ഉദ്യോഗാർത്ഥികൾക്ക് ഔദ്യോഗിക വെബ്സൈറ്റ് വഴി അപേക്ഷിക്കാം.

പ്രധാന തസ്തികകളും വിവരങ്ങളും:

• ജനറൽ അപ്രന്റീസ് (28 ഒഴിവുകൾ): ബിരുദം അല്ലെങ്കിൽ തത്തുല്യ യോഗ്യതയുള്ളവർക്ക് അപേക്ഷിക്കാം. പ്രായപരിധി 35 വയസ്. പ്രതിമാസം 12,300 രൂപ സ്റ്റൈപ്പൻഡ് ലഭിക്കും. എഴുത്തുപരീക്ഷയിലൂടെയാണ് തിരഞ്ഞെടുപ്പ്. അപേക്ഷിക്കേണ്ട അവസാന തീയതി: ജൂൺ 17.
• അപ്രന്റീസ് ഇൻ മൈക്രോബയോളജി (4 ഒഴിവുകൾ): എം.എസ്.സി മൈക്രോബയോളജി യോഗ്യതയുള്ളവർക്ക് അപേക്ഷിക്കാം. സ്റ്റൈപ്പൻഡ്: 12,300 രൂപ. ഇന്റർവ്യൂ: ജൂൺ 10.
• ഗ്രാജുവേറ്റ് അപ്രന്റീസ് ഇൻ ലൈബ്രറി സയൻസ് (3 ഒഴിവുകൾ): ബിരുദവും ലൈബ്രറി സയൻസിൽ ബിരുദവും നിർബന്ധം. സ്റ്റൈപ്പൻഡ്: 12,300 രൂപ. ഇന്റർവ്യൂ: ജൂൺ 11.
• അപ്രന്റീസ് ഇൻ അനസ്തേഷ്യ (4 ഒഴിവുകൾ): അനസ്തേഷ്യ/ഓപ്പറേഷൻ തിയേറ്റർ ടെക്നോളജിയിലുള്ള ഡിപ്ലോമ/ബി.എസ്.സി/ബി.ടെക് ബിരുദധാരികൾക്ക് അപേക്ഷിക്കാം. സ്റ്റൈപ്പൻഡ്: 12,300 രൂപ. ഇന്റർവ്യൂ: ജൂൺ 12.
• ജൂനിയർ റിസർച്ച് ഫെലോ (1 ഒഴിവ്): എം.എസ്.സി ന്യൂറോടെക്നോളജി/എം.എസ്.സി യോഗ്യതയ്‌ക്കൊപ്പം രണ്ട് വർഷത്തെ സർട്ടിഫിക്കറ്റ് കോഴ്സോ ഡിപ്ലോമയോ ഉണ്ടായിരിക്കണം. കൂടാതെ GATE/NET യോഗ്യത നിർബന്ധം. ഫെലോഷിപ്പ്: 31,000 രൂപ. ഇന്റർവ്യൂ: ജൂൺ 12.

മറ്റ് വിവരങ്ങൾ: എല്ലാ തസ്തികകൾക്കും 35 വയസ്സാണ് ഉയർന്ന പ്രായപരിധി. കൂടുതൽ വിവരങ്ങൾക്കും അപേക്ഷ സമർപ്പിക്കുന്നതിനും ഔദ്യോഗിക വെബ്സൈറ്റ് ആയ www.sctimst.ac.in സന്ദർശിക്കുക.

നോട്ടിഫിക്കേഷൻ കിട്ടാൻ ക്ലിക്ക് ചെയ്യൂ

ഏറ്റവും പുതിയ തൊഴിൽ അവസരങ്ങൾ അതിവേഗം അറിയാൻ വാട്സ്ആപ്പ് ചാനലിൽ ഇപ്പോൾ തന്നെ അംഗമാകൂ: https://whatsapp.com/channel/0029VbDOmz3DzgT83lMzu01s