കൊങ്കൺ റെയിൽവേയിൽ 134 അപ്രന്റീസ് ഒഴിവുകൾ: അഭിമുഖത്തിലൂടെ നിയമനം

ഇന്ത്യൻ റെയിൽവേ മേഖലയിൽ കരിയർ ആരംഭിക്കാൻ ആഗ്രഹിക്കുന്ന ഉദ്യോഗാർത്ഥികൾക്ക് മികച്ചൊരു അവസരമൊരുക്കുകയാണ് കൊങ്കൺ റെയിൽവേ കോർപ്പറേഷൻ ലിമിറ്റഡ് (KRCL). വിവിധ എഞ്ചിനീയറിങ്, ഡിപ്ലോമ, ജനറൽ ബിരുദധാരികൾക്കായി 134 അപ്രന്റീസ് (Apprentice Trainee) ഒഴിവുകളിലേക്ക് അപേക്ഷ ക്ഷണിച്ചു.

എഴുത്തുപരീക്ഷകളില്ലാതെ, നേരിട്ടുള്ള അഭിമുഖത്തിലൂടെയും (Walk-in Interview) സർട്ടിഫിക്കറ്റ് പരിശോധനയിലൂടെയുമാണ് തിരഞ്ഞെടുപ്പ് നടക്കുന്നത്. 2026 ഓഗസ്റ്റ് 24 മുതൽ 28 വരെയുള്ള തീയതികളിലാണ് റെയിൽവേ കേന്ദ്രങ്ങളിൽ അഭിമുഖം സംഘടിപ്പിക്കുന്നത്.

തസ്തികകളും ഒഴിവുകളുടെ വിവരങ്ങളും

വിവിധ വിഭാഗങ്ങളിലായി ആകെ 134 ഒഴിവുകളാണ് റിപ്പോർട്ട് ചെയ്തിരിക്കുന്നത്. ഓരോ വിഭാഗത്തിലെയും ഒഴിവുകൾ താഴെ നൽകുന്നു:

യോഗ്യത മാനദണ്ഡങ്ങൾ (Eligibility Criteria)

കൊങ്കൺ റെയിൽവേ അപ്രന്റീസ്ഷിപ്പിലേക്ക് അപേക്ഷിക്കാൻ ആഗ്രഹിക്കുന്ന ഉദ്യോഗാർത്ഥികൾ താഴെ പറയുന്ന നിബന്ധനകൾ പാലിക്കേണ്ടതുണ്ട്:

1. പഠിച്ചിറങ്ങിയ വർഷം (Year of Passing)

• 2021, 2022, 2023, 2024, 2025 വർഷങ്ങളിൽ പഠനം പൂർത്തിയാക്കി ബിരുദമോ ഡിപ്ലോമയോ കരസ്ഥമാക്കിയവർക്ക് മാത്രമാണ് ഈ അവസരം ലഭ്യമാകുന്നത്.
• 2021-ന് മുൻപ് പഠിച്ചിറങ്ങിയവർക്കും നിലവിൽ പഠിച്ചുകൊണ്ടിരിക്കുന്നവർക്കും അപേക്ഷിക്കാൻ സാധിക്കില്ല.

2. പ്രായപരിധി (Age Limit)

• 01.01.2026 തീയതി കണാക്കാക്കി ഉദ്യോഗാർത്ഥികൾക്ക് 18 മുതൽ 25 വയസ്സ് വരെ പ്രായമുണ്ടായിരിക്കണം.
• സംവരണ വിഭാഗത്തിൽപ്പെട്ടവർക്ക് (SC, ST, OBC, PwBD) കേന്ദ്ര ഗവൺമെന്റ് മാനദണ്ഡങ്ങൾ പ്രകാരം ഉയർന്ന പ്രായപരിധിയിൽ ഇളവുകൾ ലഭ്യമാണ്.

സ്റ്റൈപ്പൻഡും പരിശീലന കാലാവധിയും

തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് 1 വർഷത്തെ അപ്രന്റീസ്ഷിപ്പ് പരിശീലനമാണ് ലഭിക്കുന്നത്. പരിശീലന കാലയളവിൽ പ്രതിമാസം ലഭിക്കുന്ന സ്റ്റൈപ്പൻഡ് വിവരങ്ങൾ:

• ഗ്രാജുവേറ്റ് അപ്രന്റീസ് (BE/B.Tech & General Stream): പ്രതിമാസം ₹12,300/-
• ഡിപ്ലോമ അപ്രന്റീസ്: പ്രതിമാസം ₹10,900/-

ശ്രദ്ധിക്കുക: ഇത് പരിശീലന നിയമനമാണ്. ഒരു വർഷത്തെ കാലാവധി പൂർത്തിയാക്കിയ ശേഷം റെയിൽവേയിൽ സ്ഥിരനിയമനത്തിന് അവകാശവാദമുന്നയിക്കാൻ സാധിക്കില്ല. എന്നാൽ ഇവിടെ ലഭിക്കുന്ന തൊഴിൽ പരിചയ സർട്ടിഫിക്കറ്റ് ഭാവിയിൽ റെയിൽവേ ഉൾപ്പെടെയുള്ള പൊതുമേഖലാ സ്ഥാപനങ്ങളിലെ ജോലിക്ക് ഏറെ സഹായകരമാകും.

അഭിമുഖ സമയക്രമം (Interview Schedule)

തസ്തികകൾ തിരിച്ച് വിവിധ ദിവസങ്ങളിലാണ് വാക്ക്-ഇൻ ഇന്റർവ്യൂ സംഘടിപ്പിച്ചിരിക്കുന്നത്. യോഗ്യരായ ഉദ്യോഗാർത്ഥികൾ തങ്ങൾക്ക് നിശ്ചയിച്ചിട്ടുള്ള തീയതികളിൽ കൃത്യസമയത്ത് അഭിമുഖത്തിന് ഹാജരാകേണ്ടതാണ്.

• 24.08.2026: ബി.ഇ സിവിൽ, ബി.ഇ ഇലക്ട്രോണിക്സ്, ഡിപ്ലോമ സിവിൽ
• 25.08.2026: ബി.ഇ ഇലക്ട്രിക്കൽ, ഡിപ്ലോമ ഇലക്ട്രിക്കൽ, ഡിപ്ലോമ ഇലക്ട്രോണിക്സ്
• 27.08.2026: ബി.ഇ മെക്കാനിക്കൽ, ഡിപ്ലോമ മെക്കാനിക്കൽ(ജനറൽ സ്ട്രീം ഗ്രാജുവേറ്റ്സ് അഭിമുഖ തീയതികൾ ഔദ്യോഗിക വെബ്സൈറ്റിലെ വിശദമായ വിജ്ഞാപനത്തിൽ കാണുക).

നിർബന്ധമായും പാലിക്കേണ്ട മാനദണ്ഡങ്ങൾ

അഭിമുഖത്തിൽ പങ്കെടുക്കുന്നതിനായി ഉദ്യോഗാർത്ഥികൾ താഴെ പറയുന്ന വിവരങ്ങൾ നിർബന്ധമായും പൂർത്തിയാക്കിയിരിക്കണം:

1. NATS രജിസ്ട്രേഷൻ (NATS Portal):ഉദ്യോഗാർത്ഥികൾ കേന്ദ്ര സർക്കാരിന്റെ നാഷണൽ അപ്രന്റീസ്ഷിപ്പ് ട്രെയിനിങ് സ്കീം (NATS) പോർട്ടലിൽ അക്കൗണ്ട് തുടങ്ങി രജിസ്റ്റർ ചെയ്തിരിക്കണം. പരിശോധനാ സമയത്ത് അംഗീകൃത NATS ID ഹാജരാക്കേണ്ടത് നിർബന്ധമാണ്.
2. മെഡിക്കൽ ഫിറ്റ്നസ് സർട്ടിഫിക്കറ്റ്:അസിസ്റ്റന്റ് സർജൻ റാങ്കിൽ കുറയാത്ത ഗവൺമെന്റ് മെഡിക്കൽ ഓഫീസർ സാക്ഷ്യപ്പെടുത്തിയ ഫിറ്റ്നസ് സർട്ടിഫിക്കറ്റ് അഭിമുഖ സമയത്ത് സമർപ്പിക്കേണ്ടതുണ്ട്.
3. മുൻ പരിചയം:നേരത്തെ ഏതെങ്കിലും സ്ഥാപനത്തിൽ അപ്രന്റീസ്ഷിപ്പ് പൂർത്തിയാക്കിയവർക്കോ അല്ലെങ്കിൽ നിലവിൽ ഏതെങ്കിലും ബോർഡിന് കീഴിൽ അപ്രന്റീസ്ഷിപ്പ് ചെയ്യുന്നവർക്കോ ഇതിലേക്ക് അപേക്ഷിക്കാൻ അർഹതയില്ല.

അഭിമുഖത്തിന് പോകുമ്പോൾ കരുതേണ്ട രേഖകൾ

അഭിമുഖത്തിൽ പങ്കെടുക്കാൻ പോകുമ്പോൾ ഇനിപ്പറയുന്ന രേഖകളുടെ അസൽ (Original) പപ്പും സ്വയം സാക്ഷ്യപ്പെടുത്തിയ പകർപ്പുകളും (Photocopies) കരുതാവുന്നതാണ്:

• NATS പോർട്ടൽ എൻറോൾമെന്റ് ഫോമിന്റെ പ്രിന്റൗട്ട് (Approved NATS ID).
• പത്താം ക്ലാസ്, പ്ലസ് ടു സർട്ടിഫിക്കറ്റുകൾ (വയസ്സ് തെളിയിക്കുന്നതിന്).
• ബിരുദ / ഡിപ്ലോമ സർട്ടിഫിക്കറ്റുകളും എല്ലാ സെമസ്റ്ററുകളിലെയും മാർക്ക് ലിസ്റ്റുകളും.
• ജാതി / സംവരണ സർട്ടിഫിക്കറ്റ് (SC/ST/OBC/EWS വിഭാഗക്കാർക്ക്).
• ഗവൺമെന്റ് ഡോക്ടർ നൽകിയ മെഡിക്കൽ ഫിറ്റ്നസ് സർട്ടിഫിക്കറ്റ്.
• തിരിച്ചറിയൽ രേഖ (ആധാർ കാർഡ് / വോട്ടർ ഐഡി / പാസ്‌പോർട്ട് / പാൻ കാർഡ്).
• പാസ്‌പോർട്ട് സൈസ് ഫോട്ടോകൾ.

സാങ്കേതിക-ഇതര മേഖലകളിൽ റെയിൽവേ അന്തരീക്ഷം മനസ്സിലാക്കാനും തൊഴിൽ നൈപുണ്യം വർദ്ധിപ്പിക്കാനും ആഗ്രഹിക്കുന്ന യുവതിയുവാക്കൾക്ക് ഈ അവസരം പ്രയോജനപ്പെടുത്താം. കൂടുതൽ വിവരങ്ങൾക്കായി കൊങ്കൺ റെയിൽവേയുടെ ഔദ്യോഗിക വെബ്സൈറ്റ് സന്ദർശിച്ച് വിജ്ഞാപനം പൂർണ്ണമായും വായിച്ചു മനസ്സിലാക്കുക.

നോട്ടിഫിക്കേഷൻ കിട്ടാൻ ക്ലിക്ക് ചെയ്യൂ

ഏറ്റവും പുതിയ തൊഴിൽ അവസരങ്ങൾ അതിവേഗം അറിയാൻ വാട്സ്ആപ്പ് ചാനലിൽ ഇപ്പോൾ തന്നെ അംഗമാകൂ: https://whatsapp.com/channel/0029VbDOmz3DzgT83lMzu01s

134 Apprentice Vacancies at Konkan Railway: Recruitment via Interview