കോട്ടൺ കോർപ്പറേഷനിൽ 148 ഒഴിവുകൾ; ഡി​ഗ്രി മുതൽ യോ​ഗ്യത

കേന്ദ്ര ഗവൺമെന്റ് സ്ഥാപനമായ കോട്ടൺ കോർപ്പറേഷൻ ഓഫ് ഇന്ത്യ ലിമിറ്റഡ് (CCI), വിവിധ തസ്തികകളിലേക്കായി 148 ഒഴിവുകൾ നികത്തുന്നതിനായുള്ള ഔദ്യോഗിക വിജ്ഞാപനം പുറപ്പെടുവിച്ചിട്ടുണ്ട്. രാജ്യത്തുടനീളമുള്ള യോഗ്യരായ ഉദ്യോഗാർത്ഥികൾക്ക് ഈ കേന്ദ്ര സർക്കാർ സ്ഥാപനത്തിന്റെ ഭാഗമാകാനുള്ള മികച്ച അവസരമാണിത്. ബിരുദം മുതൽ ഉയർന്ന പ്രൊഫഷണൽ യോഗ്യതയുള്ളവർക്ക് വരെ വിവിധ തസ്തികകളിലേക്ക് അപേക്ഷിക്കാൻ സാധിക്കും. അസിസ്റ്റന്റ് മാനേജർ, മാനേജ്‌മെന്റ് ട്രെയിനി, ജൂനിയർ കൊമേഴ്‌സ്യൽ എക്സിക്യൂട്ടീവ്, ജൂനിയർ അസിസ്റ്റന്റ് എന്നീ തസ്തികകളിലായാണ് നിയമനം നടക്കുന്നത്.

ഈ റിക്രൂട്ട്‌മെന്റ് ഡ്രൈവിലൂടെ നികത്തുന്ന തസ്തികകളുടെ വിവരങ്ങൾ താഴെ പറയുന്നവയാണ്. അസിസ്റ്റന്റ് മാനേജർ (ഒഫീഷ്യൽ ലാംഗ്വേജ്) തസ്തികയിൽ ഒരു ഒഴിവുണ്ട്. അതുപോലെ, അസിസ്റ്റന്റ് മാനേജർ (ഇൻഫർമേഷൻ ടെക്‌നോളജി) തസ്തികയിലും ഒരു ഒഴിവുണ്ട്. മാനേജ്‌മെന്റ് ട്രെയിനി (മാർക്കറ്റിംഗ്), മാനേജ്‌മെന്റ് ട്രെയിനി (അക്കൗണ്ട്സ്) എന്നീ തസ്തികകളിൽ എട്ട് വീതം ഒഴിവുകളുണ്ട്. ഏറ്റവും കൂടുതൽ ഒഴിവുകളുള്ളത് ജൂനിയർ കൊമേഴ്‌സ്യൽ എക്സിക്യൂട്ടീവ് (50 ഒഴിവുകൾ), ജൂനിയർ അസിസ്റ്റന്റ് – അക്കൗണ്ട്സ് (50 ഒഴിവുകൾ), ജൂനിയർ അസിസ്റ്റന്റ് – ജനറൽ (30 ഒഴിവുകൾ) എന്നീ തസ്തികകളിലാണ്. മാർക്കറ്റിംഗ്, അക്കൗണ്ട്‌സ്, ഐടി, അഡ്മിനിസ്‌ട്രേഷൻ എന്നീ മേഖലകളിൽ വൈദഗ്ധ്യമുള്ളവർക്ക് ഇത് മികച്ച അവസരമാണ്.

ഒഴിവുകളുടെ വിശദാംശങ്ങൾ

• അസിസ്റ്റന്റ് മാനേജർ (ഓഫീഷ്യൽ ലാംഗ്വേജ്) – 1
• അസിസ്റ്റന്റ് മാനേജർ (ഇൻഫർമേഷൻ ടെക്‌നോളജി) – 1
• മാനേജ്മെന്റ് ട്രെയിനി (മാർക്കറ്റിംഗ്) – 8
• മാനേജ്മെന്റ് ട്രെയിനി (അക്കൗണ്ട്സ്) – 8
• ജൂനിയർ കൊമേഴ്‌സ്യൽ എക്സിക്യൂട്ടീവ് – 50
• ജൂനിയർ അസിസ്റ്റന്റ് (അക്കൗണ്ട്സ്) – 50
• ജൂനിയർ അസിസ്റ്റന്റ് (ജനറൽ) – 30

അപേക്ഷകർക്ക് നിശ്ചിത വിദ്യാഭ്യാസ യോഗ്യതയും പ്രായപരിധിയും ഉണ്ടായിരിക്കണം. അസിസ്റ്റന്റ് മാനേജർ തസ്തികയിലേക്ക് ബന്ധപ്പെട്ട വിഷയത്തിൽ ബിരുദാനന്തര ബിരുദമോ, എഞ്ചിനീയറിംഗ് ബിരുദമോ അല്ലെങ്കിൽ ഭാഷാ യോഗ്യതയോ ആവശ്യമാണ്. മാനേജ്‌മെന്റ് ട്രെയിനി (മാർക്കറ്റിംഗ്) തസ്തികയിലേക്ക് എംബിഎ അല്ലെങ്കിൽ അനുബന്ധ മാനേജ്‌മെന്റ് ബിരുദമാണ് യോഗ്യത. മാനേജ്‌മെന്റ് ട്രെയിനി (അക്കൗണ്ട്സ്) തസ്തികയിലേക്ക് സിഎ, സിഎംഎ അല്ലെങ്കിൽ തത്തുല്യമായ അക്കൗണ്ടിംഗ് യോഗ്യത നിർബന്ധമാണ്. ജൂനിയർ കൊമേഴ്‌സ്യൽ എക്സിക്യൂട്ടീവ്, ജൂനിയർ അസിസ്റ്റന്റ് തസ്തികകൾക്ക് ബന്ധപ്പെട്ട വിഷയത്തിൽ ബിരുദമാണ് അടിസ്ഥാന യോഗ്യതയായി നിശ്ചയിച്ചിരിക്കുന്നത്. പ്രായപരിധി പരിശോധിച്ചാൽ, ജൂനിയർ അസിസ്റ്റന്റ്, മാനേജ്‌മെന്റ് ട്രെയിനി തസ്തികകൾക്ക് 18 മുതൽ 30 വയസ്സ് വരെയും, അസിസ്റ്റന്റ് മാനേജർ തസ്തികകൾക്ക് 18 മുതൽ 32 വയസ്സ് വരെയും പ്രായപരിധി നിശ്ചയിച്ചിട്ടുണ്ട്. സംവരണ വിഭാഗത്തിലുള്ള ഉദ്യോഗാർത്ഥികൾക്ക് സർക്കാർ ചട്ടപ്രകാരമുള്ള പ്രായപരിധിയിൽ ഇളവ് ലഭിക്കുന്നതാണ്.

ഓൺലൈൻ വഴിയാണ് അപേക്ഷ സമർപ്പിക്കേണ്ടത്. ജൂലൈ 9, 2026-ന് അപേക്ഷാ നടപടികൾ ആരംഭിക്കും. താൽപ്പര്യമുള്ള ഉദ്യോഗാർത്ഥികൾ ജൂലൈ 24, 2026-ന് മുൻപായി കോട്ടൺ കോർപ്പറേഷൻ ഓഫ് ഇന്ത്യയുടെ ഔദ്യോഗിക വെബ്‌സൈറ്റായ https://cotcorp.org.in/recruitment സന്ദർശിച്ച് അപേക്ഷിക്കണം. അപേക്ഷ ഫീസ് പൊതു വിഭാഗം, ഇഡബ്ല്യുഎസ്, ഒബിസി വിഭാഗക്കാർക്ക് ₹1,500 ആണ്. എസ്സി, എസ്ടി, മുൻസൈനികർ, ഭിന്നശേഷിക്കാർ (PwBD) എന്നിവർക്ക് അപേക്ഷ ഫീസായി ₹500 അടച്ചാൽ മതിയാകും. ഔദ്യോഗിക വിജ്ഞാപനത്തിലെ നിർദ്ദേശങ്ങൾ പൂർണ്ണമായി വായിച്ചു മനസ്സിലാക്കിയ ശേഷം മാത്രം ഉദ്യോഗാർത്ഥികൾ അപേക്ഷാ നടപടികൾ പൂർത്തിയാക്കാൻ ശ്രദ്ധിക്കുക.

നോട്ടിഫിക്കേഷൻ കിട്ടാൻ ക്ലിക്ക് ചെയ്യൂ

ഏറ്റവും പുതിയ തൊഴിൽ അവസരങ്ങൾ അതിവേഗം അറിയാൻ വാട്സ്ആപ്പ് ചാനലിൽ ഇപ്പോൾ തന്നെ അംഗമാകൂ: https://whatsapp.com/channel/0029VbDOmz3DzgT83lMzu01s