സി-ഡാക്കിൽ വമ്പൻ തൊഴിലവസരം: 951 ഒഴിവുകൾ; കേരളത്തിലും ജോലി കിട്ടും

കേന്ദ്ര ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയത്തിന് കീഴിൽ പ്രവർത്തിക്കുന്ന പ്രമുഖ ഗവേഷണ സ്ഥാപനമായ സെന്റർ ഫോർ ഡെവലപ്‌മെന്റ് ഓഫ് അഡ്വാൻസ്ഡ് കംപ്യൂട്ടിങ് (C-DAC), രാജ്യവ്യാപകമായി 951 ഒഴിവുകളിലേക്ക് യോഗ്യരായ ഉദ്യോഗാർത്ഥികളിൽ നിന്ന് അപേക്ഷ ക്ഷണിച്ചു. നൂതന കംപ്യൂട്ടിങ് സാങ്കേതികവിദ്യകൾ വികസിപ്പിക്കുന്നതിനുള്ള വിവിധ പ്രോജക്റ്റുകളിലേക്കാണ് നിയമനം നടക്കുന്നത്. തിരുവനന്തപുരം ഉൾപ്പെടെയുള്ള സി-ഡാക് കേന്ദ്രങ്ങളിൽ ജോലി ചെയ്യാൻ അവസരമുണ്ടാകും.

തസ്തികകളും പ്രായപരിധിയും

വിവിധ പ്രോജക്റ്റുകളുടെ സ്വഭാവമനുസരിച്ച് വിവിധ തസ്തികകളിലായാണ് നിയമനം നടക്കുന്നത്. തസ്തികകൾക്കനുസരിച്ചുള്ള ഉയർന്ന പ്രായപരിധി താഴെ നൽകുന്നു:

• പ്രോജക്ട് എൻജിനീയർ/ പ്രോജക്ട് അസോസിയേറ്റ്: 30 വയസ്സ്
• സീനിയർ പ്രോജക്ട് എൻജിനീയർ: 40 വയസ്സ്
• പ്രോജക്ട് എൻജിനീയർ (പരിചയസമ്പന്നർക്ക്): 45 വയസ്സ്
• പ്രോജക്ട് സപ്പോർട്ട് സ്റ്റാഫ്: 35 വയസ്സ്
• പ്രോജക്ട് ടെക്നിഷ്യൻ: 30 വയസ്സ്
• പ്രോജക്ട് ഓഫിസർ: 50 വയസ്സ്
• പ്രോജക്ട് മാനേജർ/ പ്രോഗ്രാം മാനേജർ/ പ്രോഗ്രാം ഡെലിവറി മാനേജർ: 56 വയസ്സ്

സംവരണ വിഭാഗക്കാർക്ക് (ഒബിസി, എസ്സി/എസ്ടി, ഭിന്നശേഷിക്കാർ) സർക്കാർ ചട്ടപ്രകാരം വയസ്സിളവ് ലഭിക്കും. വിമുക്തഭടന്മാർക്കും സർക്കാർ ജീവനക്കാർക്കും പ്രത്യേക ആനുകൂല്യങ്ങൾ ഉണ്ടായിരിക്കും.

യോഗ്യതയും മാനദണ്ഡങ്ങളും

അതാത് തസ്തികകളുടെ സ്വഭാവമനുസരിച്ച് ബിടെക്, എംടെക്, എംസിഎ അല്ലെങ്കിൽ ബന്ധപ്പെട്ട വിഷയങ്ങളിൽ പിജി ബിരുദമാണ് അടിസ്ഥാന യോഗ്യത. ചില തസ്തികകളിലേക്ക് പ്രവർത്തിപരിചയം നിർബന്ധമാണെങ്കിലും, ഫ്രഷർമാർക്ക് (പ്രവർത്തിപരിചയമില്ലാത്തവർ) അപേക്ഷിക്കാവുന്ന അവസരങ്ങളും ഈ വിജ്ഞാപനത്തിലുണ്ട്. ജൂൺ 20, 2026 ആണ് യോഗ്യതയും പ്രായവും കണക്കാക്കുന്ന അവസാന തീയതി.

തിരഞ്ഞെടുപ്പ് രീതി

ഉദ്യോഗാർത്ഥികളുടെ അക്കാദമിക് മികവ്, വിദ്യാഭ്യാസ യോഗ്യത, പ്രവർത്തിപരിചയം എന്നിവ അടിസ്ഥാനമാക്കിയുള്ള പ്രഥമിക സ്ക്രീനിംഗിന് ശേഷമായിരിക്കും തിരഞ്ഞെടുപ്പ്. തുടർന്ന് ഓൺലൈൻ പരീക്ഷ, എഴുത്ത് പരീക്ഷ, അല്ലെങ്കിൽ സ്കിൽ ടെസ്റ്റ് എന്നിവ ഉണ്ടാകും. ഇവയിൽ വിജയിക്കുന്നവരെ അന്തിമ അഭിമുഖത്തിനായി (ഓൺലൈൻ/ നേരിട്ടുള്ളത്) ക്ഷണിക്കും.

പ്രധാന വിവരങ്ങൾ

• അപേക്ഷിക്കേണ്ട വിധം: സി-ഡാക്കിന്റെ ഔദ്യോഗിക കരിയർ പോർട്ടൽ വഴി ഓൺലൈനായി മാത്രം അപേക്ഷിക്കുക.
• അപേക്ഷാ ഫീസ്: ഈ തസ്തികകളിലേക്ക് അപേക്ഷിക്കുന്നതിന് എല്ലാ വിഭാഗക്കാർക്കും അപേക്ഷാ ഫീസ് ഉണ്ടായിരിക്കുന്നതല്ല.
• അവസാന തീയതി: ജൂൺ 20, 2026.

തസ്തികകൾക്കനുസരിച്ചുള്ള ശമ്പളഘടന നിശ്ചയിച്ചിരിക്കുന്നത് ഉദ്യോഗാർത്ഥിയുടെ യോഗ്യതയും പരിചയസമ്പത്തും പരിഗണിച്ചായിരിക്കും. കംപ്യൂട്ടർ രംഗത്ത് പ്രവർത്തിക്കാൻ ആഗ്രഹിക്കുന്നവർക്ക് ലഭിക്കുന്ന മികച്ച അവസരമാണിത്. താല്പര്യമുള്ളവർ അവസാന തീയതിക്ക് മുൻപായി തന്നെ അപേക്ഷ സമർപ്പിക്കുക.

നോട്ടിഫിക്കേഷൻ കിട്ടാൻ ക്ലിക്ക് ചെയ്യൂ

ഏറ്റവും പുതിയ തൊഴിൽ അവസരങ്ങൾ അതിവേഗം അറിയാൻ വാട്സ്ആപ്പ് ചാനലിൽ ഇപ്പോൾ തന്നെ അംഗമാകൂ: https://whatsapp.com/channel/0029VbDOmz3DzgT83lMzu01s