തിരുവിതാംകൂർ ദേവസ്വം ബോർഡിൽ ജോലി നേടാം: പത്താം ക്ലാസുകാർക്കും അവസരം; ഉടൻ അപേക്ഷിക്കൂ!

തിരുവിതാംകൂർ ദേവസ്വം ബോർഡിന്റെ (TDB) കീഴിലുള്ള പ്രോജക്ട് മാനേജ്മെന്റ് യൂണിറ്റിലേക്ക് (PMU) യോഗ്യരായ ഉദ്യോഗാർത്ഥികളിൽ നിന്നും അപേക്ഷകൾ ക്ഷണിച്ചിരിക്കുന്നു. സെന്റർ ഫോർ മാനേജ്‌മെന്റ് ഡെവലപ്‌മെന്റ് (CMD) വഴിയാണ് ഈ നിയമന നടപടികൾ ക്രമീകരിക്കുന്നത്. സിസ്റ്റം അഡ്മിനിസ്ട്രേറ്റർ, ക്ലർക്ക്, അക്കൗണ്ടന്റ്, ഓഫീസ് അസിസ്റ്റന്റ് എന്നിങ്ങനെ വിവിധ തസ്തികകളിലായാണ് ഒഴിവുകൾ റിപ്പോർട്ട് ചെയ്തിരിക്കുന്നത്. സർക്കാർ മേഖലയിൽ ജോലി ആഗ്രഹിക്കുന്നവർക്കും, പത്താം ക്ലാസ് മുതൽ ബിരുദം വരെ യോഗ്യതയുള്ളവർക്കും ഈ അവസരം പ്രയോജനപ്പെടുത്താവുന്നതാണ്.

ഒഴിവുകളും യോഗ്യതയും:

1. സിസ്റ്റം അഡ്മിനിസ്ട്രേറ്റർ (1 ഒഴിവ്): കമ്പ്യൂട്ടർ സയൻസ്, ഇൻഫർമേഷൻ ടെക്നോളജി, ഇലക്ട്രോണിക്സ് അല്ലെങ്കിൽ തത്തുല്യ വിഷയങ്ങളിൽ ബിരുദം നിർബന്ധമാണ്. കൂടാതെ, ഐടി സിസ്റ്റം അഡ്മിനിസ്ട്രേഷനിൽ കുറഞ്ഞത് ഒരു വർഷത്തെ പ്രവൃത്തിപരിചയം ഉണ്ടായിരിക്കണം. സർക്കാർ അല്ലെങ്കിൽ പൊതുമേഖലാ സ്ഥാപനങ്ങളിലെ ഐടി പദ്ധതികളിൽ മുൻപരിചയമുള്ളവർക്ക് മുൻഗണന ലഭിക്കും.
2. ക്ലർക്ക് (2 ഒഴിവുകൾ): ഏതെങ്കിലും അംഗീകൃത സർവകലാശാലയിൽ നിന്നുള്ള ബിരുദമാണ് അടിസ്ഥാന യോഗ്യത. ഓഫീസ് അഡ്മിനിസ്ട്രേഷൻ, സെക്രട്ടേറിയൽ ജോലി അല്ലെങ്കിൽ ക്ലറിക്കൽ തസ്തികകളിൽ ചുരുങ്ങിയത് ഒരു വർഷത്തെ പ്രവൃത്തിപരിചയം ആവശ്യമാണ്. കൂടാതെ, മൈക്രോസോഫ്റ്റ് ഓഫീസ് (Word, Excel, Outlook) തുടങ്ങിയ കമ്പ്യൂട്ടർ ആപ്ലിക്കേഷനുകളിലും ഡിജിറ്റൽ ഫയൽ മാനേജ്‌മെന്റിലും നല്ല പരിജ്ഞാനം ഉണ്ടായിരിക്കണം.
3. അക്കൗണ്ടന്റ് (2 ഒഴിവുകൾ): ബി.കോം (B.Com) ബിരുദധാരികൾക്ക് അപേക്ഷിക്കാം. സി.എ ഇന്റർ, സി.എം.എ ഇന്റർ, അല്ലെങ്കിൽ എം.ബി.എ (ഫിനാൻസ്) യോഗ്യതയുള്ളവരെ അധിക യോഗ്യതയായി പരിഗണിക്കും. അക്കൗണ്ട്സ്, ഫിനാൻസ് വിഭാഗത്തിൽ രണ്ട് വർഷത്തെ പ്രവൃത്തിപരിചയവും, ടാലി (Tally/ERP), എം.എസ് എക്സൽ എന്നിവയിലുള്ള പ്രാവീണ്യവും നിർബന്ധമാണ്.
4. ഓഫീസ് അസിസ്റ്റന്റ് (3 ഒഴിവുകൾ): പത്താം ക്ലാസ് (SSLC) പാസായവർക്ക് ഈ തസ്തികയിലേക്ക് അപേക്ഷിക്കാം. ഓഫീസ് അന്തരീക്ഷത്തിൽ ഒരു വർഷത്തെ പ്രവൃത്തിപരിചയമുള്ളവർക്ക് മുൻഗണന ലഭിക്കും. കമ്പ്യൂട്ടർ ഉപയോഗിക്കാനും ഓഫീസ് ഉപകരണങ്ങൾ കൈകാര്യം ചെയ്യാനും അറിവുണ്ടായിരിക്കണം.

പ്രധാന വിവരങ്ങൾ

• പ്രായപരിധി: അപേക്ഷകർക്ക് 40 വയസ്സിൽ താഴെയായിരിക്കണം.
• ശമ്പളം: ക്ലർക്ക്, അക്കൗണ്ടന്റ് തസ്തികകൾക്ക് 30,000 രൂപയും ഓഫീസ് അസിസ്റ്റന്റ് തസ്തികയ്ക്ക് 25,000 രൂപയുമാണ് പ്രതിമാസ ഏകീകൃത ശമ്പളമായി നിശ്ചയിച്ചിരിക്കുന്നത്.

അപേക്ഷ സമർപ്പിക്കേണ്ട രീതി

ഉദ്യോഗാർത്ഥികൾ പൂർണ്ണമായും ഓൺലൈൻ വഴിയാണ് അപേക്ഷ സമർപ്പിക്കേണ്ടത്. സി.എം.ഡിയുടെ ഔദ്യോഗിക വെബ്സൈറ്റായ www.cmd.kerala.gov.in വഴി ഇതിനായുള്ള സൗകര്യങ്ങൾ ലഭ്യമാണ്.

1. വെബ്സൈറ്റിൽ പ്രവേശിച്ച് ആവശ്യമായ തസ്തിക തിരഞ്ഞെടുക്കുക.
2. അപേക്ഷാ ഫോമിൽ ചോദിച്ചിരിക്കുന്ന വിവരങ്ങൾ കൃത്യമായി പൂരിപ്പിക്കുക.
3. ആവശ്യമായ യോഗ്യതാ സർട്ടിഫിക്കറ്റുകൾ, പാസ്പോർട്ട് സൈസ് ഫോട്ടോ, ഒപ്പ് എന്നിവ നിശ്ചിത ഫോർമാറ്റിൽ അപ്‌ലോഡ് ചെയ്യുക.
4. അപേക്ഷാ ഫീസായി 500 രൂപയും അധികമായി ട്രാൻസാക്ഷൻ ചാർജും ഓൺലൈനായി അടയ്ക്കുക.
5. അപേക്ഷാ സമർപ്പണത്തിന് ശേഷം അതിന്റെ പകർപ്പ് (PDF/Print) ഭാവി റഫറൻസിനായി സൂക്ഷിക്കേണ്ടതാണ്.

അപേക്ഷിക്കേണ്ട അവസാന തീയതി: 2026 ജൂലൈ 29.

കൂടുതൽ വിശദാംശങ്ങൾക്കും നിയമന വിജ്ഞാപനത്തിനുമായി ഔദ്യോഗിക വെബ്സൈറ്റ് സന്ദർശിക്കുക. അർഹരായ ഉദ്യോഗാർത്ഥികൾ അവസാന തീയതിക്ക് മുൻപ് തന്നെ അപേക്ഷ സമർപ്പിക്കാൻ ശ്രദ്ധിക്കുമല്ലോ.

നോട്ടിഫിക്കേഷൻ കിട്ടാൻ ക്ലിക്ക് ചെയ്യൂ

ഏറ്റവും പുതിയ തൊഴിൽ അവസരങ്ങൾ അതിവേഗം അറിയാൻ വാട്സ്ആപ്പ് ചാനലിൽ ഇപ്പോൾ തന്നെ അംഗമാകൂ: https://whatsapp.com/channel/0029VbDOmz3DzgT83lMzu01s