എമിറേറ്റ്‌സ് എയർലൈൻസിൽ ജോലി അവസരം: ബിരുദധാരികൾക്ക് ചെന്നൈയിൽ നിയമനം; അപേക്ഷിക്കേണ്ടത് എങ്ങനെ?

ലോകോത്തര വിമാനക്കമ്പനിയായ എമിറേറ്റ്‌സ് എയർലൈൻസിന്റെ (Emirates Airline) ഭാഗമാകാൻ ആഗ്രഹിക്കുന്നവർക്ക് വലിയൊരു അവസരം കൈവന്നിരിക്കുന്നു. വ്യോമയാന മേഖലയിൽ കരിയർ കെട്ടിപ്പടുക്കാൻ ആഗ്രഹിക്കുന്ന ഉദ്യോഗാർത്ഥികൾക്കായി എമിറേറ്റ്‌സ് പുതിയ റിക്രൂട്ട്‌മെന്റ് വിജ്ഞാപനം പുറപ്പെടുവിച്ചു. ഇന്ത്യയിലെ പ്രമുഖ മെട്രോ നഗരങ്ങളിലൊന്നായ ചെന്നൈയിൽ (MAA) ആണ് ഒഴിവുള്ളത്.

യോഗ്യതയുള്ള ഉദ്യോഗാർത്ഥികൾക്ക് എമിറേറ്റ്‌സിന്റെ ഔദ്യോഗിക കരിയർ പോർട്ടൽ വഴി ഓൺലൈനായി അപേക്ഷിക്കാം. അപേക്ഷ സമർപ്പിക്കേണ്ട അവസാന തീയതി 2026 ഒക്ടോബർ 28 ആണ്.

തസ്തികയും ജോലി സ്ഥലവും

• തസ്തികയുടെ പേര്: എയർപോർട്ട് സർവീസസ് മാനേജർ (Airport Services Manager – MAA)
• ജോലി സ്ഥലം: ചെന്നൈ അന്താരാഷ്ട്ര വിമാനത്താവളം (Chennai International Airport)
• കമ്പനി: എമിറേറ്റ്‌സ് ഗ്രൂപ്പ് (Emirates Group)

ആവശ്യമായ യോഗ്യതകളും പ്രവൃത്തിപരിചയവും

എമിറേറ്റ്‌സ് പോലുള്ള ഒരു പ്രമുഖ വിമാനക്കമ്പനിയിൽ ഉന്നത തസ്തികയിലേക്ക് നിയമനം ലഭിക്കുമ്പോൾ ആവശ്യമായ യോഗ്യതകളും പരിചയസമ്പത്തും പ്രധാനമാണ്. ഉദ്യോഗാർത്ഥികൾക്ക് താഴെ പറയുന്ന യോഗ്യതകൾ ഉണ്ടായിരിക്കണം:

1. വിദ്യാഭ്യാസ യോഗ്യത

• ഏതെങ്കിലും അംഗീകൃത സർവകലാശാലയിൽ നിന്നുള്ള ബിരുദം (Bachelor’s Degree) ആണ് അടിസ്ഥാന യോഗ്യത.

2. പ്രവൃത്തിപരിചയം

• വിമാനത്താവളത്തിലെ യാത്രക്കാരുടെ കൈകാര്യം ചെയ്യൽ (Passenger Handling) അല്ലെങ്കിൽ എയർപോർട്ട് ഓപ്പറേഷൻസ് മേഖലയിൽ വ്യക്തമായ പരിചയസമ്പത്ത് ഉണ്ടായിരിക്കണം.
• ഈ മേഖലയിൽ കുറഞ്ഞത് അഞ്ച് (5) വർഷം മാനേജീരിയൽ/ലീഡർഷിപ്പ് (Managerial Level) തലത്തിൽ ജോലി ചെയ്ത പരിചയം നിർബന്ധമാണ്.

3. പ്രാവീണ്യം ആവശ്യമായ മേഖലകൾ

താഴെ പറയുന്ന എയർപോർട്ട് പ്രവർത്തനങ്ങളിൽ ഉദ്യോഗാർത്ഥിക്ക് മുൻപരിചയവും മികച്ച പ്രാവീണ്യവും ഉണ്ടായിരിക്കണം:

• പാസഞ്ചർ സർവീസസ് (Passenger Services)
• ഗ്രൗണ്ട് ഓപ്പറേഷൻസ് (Ground Operations)
• ബാഗേജ് ക്ലെയിംസ് (Baggage Claims)
• റിസർവേഷൻസ് ആൻഡ് ടിക്കറ്റിങ് (Reservations & Ticketing)
• വെയ്റ്റ് ആൻഡ് ബാലൻസ് (Weight & Balance)

ജോലി ചുമതലകൾ (Job Responsibilities)

എയർപോർട്ട് സർവീസസ് മാനേജർ എന്ന തസ്തിക വിമാനത്താവളത്തിലെ എമിറേറ്റ്‌സിന്റെ ദൈനംദിന പ്രവർത്തനങ്ങളുടെ നട്ടെല്ലാണ്. ഉത്തരവാദിത്തങ്ങൾ താഴെ പറയുന്നവയാണ്:

• സുഗമമായ ഓപ്പറേഷൻസ്: വിമാനത്താവളത്തിലെ വിമാന സർവീസുകൾ സുരക്ഷിതമായും, കാര്യക്ഷമമായും, സമയബന്ധിതമായും, ചെലവ് നിയന്ത്രിച്ചും നടപ്പിലാക്കുക.
• യാത്രാസേവനങ്ങൾ: യാത്രക്കാർക്ക് മികച്ച സേവന നിലവാരം ഉറപ്പാക്കുക. ചെക്ക്-ഇൻ (Check-in) നടപടികളും ബാഗേജ് സർവീസുകളും കൃത്യമായി നിരീക്ഷിക്കുക.
• പ്രതിസന്ധി പരിഹാരം: വിമാനങ്ങൾ വൈകുന്ന സാഹചര്യങ്ങളിലോ യാത്രാ തടസ്സങ്ങൾ ഉണ്ടാകുമ്പോഴോ (Flight Delays / Denied Boarding) യാത്രക്കാർക്ക് ആവശ്യമായ സഹായങ്ങളും ബദൽ സംവിധാനങ്ങളും ഒരുക്കുക.
• സുരക്ഷയും മാർഗനിർദേശവും: വിമാനം, യാത്രക്കാർ, ജീവനക്കാർ, ചരക്ക് (Cargo), ബാഗേജ് എന്നിവയുടെ സുരക്ഷ ഉറപ്പാക്കുക. കൂടാതെ കീഴിലുള്ള ജീവനക്കാർക്ക് ആവശ്യമായ പരിശീനവും മാർഗനിർദേശവും നൽകുക.
• ഭരണപരമായ കാര്യങ്ങൾ: പ്രതിദിന പ്രവർത്തന റിപ്പോർട്ടുകൾ തയ്യാറാക്കുക, ചെലവുകൾ വിശകലനം ചെയ്യുക, ബാഗേജ് പരാതികൾ പരിഹരിക്കുക, ഇൻവോയ്സുകൾ പരിശോധിക്കുക, ജീവനക്കാരുടെ പ്രകടനം വിലയിരുത്തുക.
• വിവിധ വകുപ്പുകളുമായുള്ള ഏകോപനം: എയർപോർട്ട് അതോറിറ്റി, കസ്റ്റംസ്, ഇമിഗ്രേഷൻ, പോലീസ്, ട്രാഫിക്കും ഗതാഗതവുമായ ബന്ധപ്പെട്ട അധികാരികൾ എന്നിവരുമായി ചേർന്ന് പ്രവർത്തിക്കുക.
• അടിയന്തര സാഹചര്യങ്ങൾ: അടിയന്തര ഘട്ടങ്ങളെ (Emergency Situations) കാര്യക്ഷമമായി നേരിടാനുള്ള പ്ലാനുകൾ തയ്യാറാക്കുകയും അവയുടെ മോക്ക് ഡ്രില്ലുകളും പരിശീലനങ്ങളും നടപ്പിലാക്കുകയും ചെയ്യുക.

ശമ്പളവും മറ്റ് ആനുകൂല്യങ്ങളും

എമിറേറ്റ്‌സ് ഗ്രൂപ്പിന്റെ മാനദണ്ഡങ്ങൾ അനുസരിച്ചായിരിക്കും ശമ്പളവും മറ്റ് ആനുകൂല്യങ്ങളും നിർണ്ണയിക്കുന്നത്. വ്യോമയാന മേഖലയിലെ ഏറ്റവും മികച്ച പ്രതിഫല പാക്കേജുകളിൽ ഒന്നാണ് എമിറേറ്റ്‌സ് നൽകുന്നത്. കൃത്യമായ തുക വിജ്ഞാപനത്തിൽ വ്യക്തമാക്കിയിട്ടില്ലെങ്കിലും, പരിചയസമ്പത്തിനും തസ്തികയ്ക്കും അനുയോജ്യമായ ഉയർന്ന ശമ്പളവും ആകർഷകമായ ആനുകൂല്യങ്ങളും ലഭിക്കും.

അപേക്ഷിക്കേണ്ടത് എങ്ങനെ?

താല്പര്യമുള്ള ഉദ്യോഗാർത്ഥികൾക്ക് എമിറേറ്റ്‌സിന്റെ ഔദ്യോഗിക കരിയർ പോർട്ടൽ വഴി ഓൺലൈനായി അപേക്ഷ സമർപ്പിക്കാം.

1. അപേക്ഷ സമർപ്പിക്കാൻ direct ലിങ്ക്:Emirates Careers Marketplace
2. വിശദമായ ഔദ്യോഗിക വിജ്ഞാപനം കാണാൻ:Emirates Official Job Notification

പ്രധാന തീയതി: അപേക്ഷകൾ സ്വീകരിക്കുന്ന അവസാന തീയതി 2026 ഒക്ടോബർ 28 ആണ്. അവസാന തീയതി വരെ കാത്തുനിൽക്കാതെ എത്രയും വേഗം അപേക്ഷ സമർപ്പിക്കാൻ ശ്രദ്ധിക്കുക.

നോട്ടിഫിക്കേഷൻ കിട്ടാൻ ക്ലിക്ക് ചെയ്യൂ